अन्र्तराष्ट्रिय:  नयाँ वर्षको पूर्वसन्ध्यामा बुधबार विश्वले २०२५ लाई बिदाइ दियो । सन् २०२५ डोनाल्ड ट्रम्पको पुनः राष्ट्रपतित्व, गाजामा युद्धविराम र युक्रेनमा शान्तिका व्यर्थ प्रयासको वर्षको रूपमा चिनिन्थ्यो ।

यो वर्ष विश्वभरकै तातो वर्षमा गणना गरिएको थियो । युरोपमा डढेलो, अफ्रिकामा खडेरी र दक्षिणपूर्व एसियामा घातक वर्षा निम्त्यायो । अस्ट्रेलियाको सिड्नीमा नयाँ वर्षको पार्टी तयारी अत्यन्तै उत्साही तर उत्सवमा उदासी मिसिएको थियो । बोनडी समुद्रतटमा ३० वर्षमा सबैभन्दा घातक सामूहिक गोलीबारीपछि १५ जनाको ज्यान गएको थियो । 

पार्टी ११ः०० बजे (१२ः०० जिएमटी) एक मिनेटको मौनताका लागि रोकिने छन् र प्रसिद्ध सिड्नी हार्बर ब्रिज सेतो प्रकाशमा नुहाउने छ । प्रधानमन्त्री एन्थोनी अल्बानिजले भिडियो सन्देशमा भन्नुभयो, “हाम्रो नयाँ वर्षको अनुभव प्रायः पुरानो उदासीसँग मिश्रित हुन्छ ।” मध्यरातको झट्कामा नौ टन आतिशबाजी विस्फोट हुने अपेक्षा गरिएको छ । 

सिड्नीका बासिन्दा र पर्यटक फोरशोरमा भेला भए र ओपेरा हाउस नजिकका उत्कृष्ट दृश्य सुरक्षित गर्न सेलबोट पानीमा आएका थिए । सुरक्षा सामान्यभन्दा कडा थियो । भारी सशस्त्र प्रहरी टोलीले भिडमा गस्ती गरिरहेको थियो । विश्वभरि न्युयोर्कदेखि हगमानय पर्वसम्म उत्सवको शृङ्खला फैलिएको छ । ब्राजिलको कोपाकाबाना समुद्रतटमा २० लाखभन्दा बढी मानिस उपस्थित हुने अपेक्षा गरिएको छ । 

हङकङमा नोभेम्बरमा आगलागीबाट मारिएका १६१ जनालाई श्रद्धाञ्जलि अर्पण गर्दै प्रमुख आतिशबाजी रद्द गरिएको छ । सन् २०२५ मा विश्वले लाबुबु पुतलीको क्रेज, लुभ्र सङ्ग्रहालयको साहसी डकैती र के–पप समूह बिटिएसको फिर्ती देख्यो । अग्रगामी प्राणीशास्त्री जेन गुडअललको निधन, भ्याटिकनको नयाँ पोप चयन र दक्षिणपन्थी कार्यकर्ता चार्ली किर्कको हत्या अमेरिकी राजनीतिक विभाजनको प्रतीक बन्यो ।

डोनाल्ड ट्रम्प जनवरीमा ह्वाइट हाउस फर्किनुभयो र विश्वव्यापी बजारमा मन्दी ल्याउने कर वृद्धि सुरु गर्नुभयो । उहाँले आफ्नै ट्रुथ सोसल प्लेटफर्मबाट मध्यावधि चुनावअघि आफ्नो अनुमोदन दर बढाउने प्रयास गर्नुभयो । गाजामा दुई वर्षको युद्धपछिको अमेरिकी दबाबमा अक्टोबरमा इजरायल र हमासबिच नाजुक युद्धविराम भयो । तर दुवै पक्षले उल्लङ्घनको आरोप लगाएका छन् र स्थायी शान्ति सुनिश्चित भएको छैन । 

हमास आक्रमण र इजरायलको प्रतिक्रिया प्रक्रियामा हजारौँ नागरिकको ज्यान गयो । चिनियाँ राष्ट्रपति सी जिनपिङ र रुसी राष्ट्रपति भ्लादिमिर पुटिन जस्ता विश्वका नेताले नयाँ वर्षको शुभकामना आदानप्रदान गर्न थाल्नु भएको छ । सीले द्विपक्षीय सम्बन्धमा निरन्तर प्रगतिका लागि पुटिनसँग घनिष्ठ संवाद कायम राख्ने तयारी देखाउनु भएको छ ।

युक्रेनमा युद्ध सन् २०२२ मा सुरु भएको थियो र २०२५ को अन्त्यमा पनि कुनै स्थायी युद्धविराम नभएको अवस्था छ । खेलकुद, अन्तरिक्ष र आर्टिफिसियल इन्टेलिजेन्स (एआई) क्षेत्रमा आगामी वर्ष चुनौतीपूर्ण रहने अपेक्षा छ । एलन मस्कको समर्थनमा नासाको आर्टेमिस २ मिसनले अन्तिम अपोलो चन्द्र अभियानको ५० वर्षपछि १० दिनको परीक्षण उडान गर्दै चन्द्रमाको परिक्रमा गर्ने छ ।

वर्षभरि अनियन्त्रित उत्साहपछि एआईले छानबिन सामना गरिरहेको छ र लगानीकर्ताले यसको भविष्यको बजार पानीको फोका जस्तो हुन सक्ने भन्दै प्रश्न उठाइरहेका छन् । शीतकालीन ओलम्पिकका खेलाडी इटालीको डोलोमाइट्समा तयारी गर्ने छन् भने संयुक्त राज्य अमेरिका, मेक्सिको र क्यानाडामा इतिहासकै ठूलो फुटबल विश्वकपका लागि राष्ट्र भेला हुने छन् ।